Ош-Исфана унаа жолунда газ ташып бара жаткан оор жүк ташуучу унаа оодарылып кетти

© КР ӨКМ

Ош-Баткен-Исфана унаа жолдорунда газ ташып бара жаткан оор жүк ташуучу унаа жол четинен чыгып оодарылып кетти. Бул тууралу КР ӨКМнин маалымат кызматы билдирди.

Окуя Баткен облусунун Кадамжай районунда 26-июнь күнү  саат 16:33 чамасында Ош-Баткен-Исфана унаа жол каттамынын 101-чакырымында болгон. 

Анда  “Ренуалт” үлгүсүндөгү №04KG883РА мамлекеттик номерлүү  газ ташып бара жаткан оор жүк ташуучу унаа (19 тонна газы бар) жолдон чыгып оодарылып кеткен.

Окуя болгон жерге КР ӨКМнин №75 өрткө каршы куткаруу бөлүмүнүн куткаруучулары, райондук суу чарба башкармалыгынан 1 кран, жеке менчик 1кран жана 1 жуктөгүч тартылып, унааны тургузушкан.

Бактыга жараша жабырлануучулар жок.